In ´n oomblik vir altyd…

 

Die 14de Februarie 2020 het Stephan Dezi se voete onder haar uitgeslaan. Sy het nie omgegee nie. Die alternatief was immers om geen voete meer te hê nie.

 

Stephan het haar na die rivier toe gelok met – ja, laat ons dit nou maar sê soos dit was: met ´n jokstorie. Daar was, soos per die opgewekte vertelling van Stephan, ´n krokkedil in die gras langs die rivier. En Dezi moet tog nou net kom kyk.

 

Die eintlike ongelooflike deel van die storie is nie dat Dezi dit geglo het nie, maar dat sy, huiwerig maar nietemin, agter Stephan aangegaan het. In die gras in, rigting rivier, reg op die skubberige amniotiese landwerweldier af… Maar wat sal mens nou sê? Die liefde is mos positief en solank Dezi saam Stephan kan wees sal sy nie omgee om ´n vet glimlag te sien nie, al is dit vir oulaas!

 

En mens kan jouself die verligting net voorstel: in plaas van ´n 5m lange halfton-bokvalletjie op vier vlinke knikbeentjies in die sappige groen gras langs die water, wag daar toe ´n ander verrassing:

 

„Ek het van dag een af geweet jy is die een vir my en ek gaan eendag met jou trou,“ het Stephan begin, op een knieg met ´n ringhouertjie oop voor haar.

 

Mens kan nie help om te wonder nie. „Van dag een af“? Dit klink ongelooflik, veral as mens weet dat hulle op “dag een” eers 16 was! Maar as mens eers die storie ken…

​

Dag 1

 

Dis lekker as jy saam jou pelle wie jy al van kleuterskool af ken agter in die klas kan sit en grap. Dis nie lekker as jy die onderwyser van die spul pelle is nie, en dis beslis nie lekker as jy die nuwe een in die skool is (oor wie tien teen een gegrap word – of so voel dit ten minste) nie!

 

A stranger, from the outside! OOOHHHH!

 

Dezi was die nuweling in die klas. En om haar te help om nog erger te voel as wat dit reeds die geval was, het die onderwyser gesê dat sy haarself aan die klas moet voorstel. Sy, op haar senuwees en alleen, heel voor, alleen. Hy, tussen sy pelle, wat heel agter sit en lag.

Natuurlik het sy sy oog gevang. Uiteindelik vars groen grassies na jare en jare se droogte! Maar daar was meer as dit. Daar was ´n deurskynende vonk: kruwelrig en 6m lank. Daardie stoute lag en uitdagende oë het haar gevang...

 

En skielik was hulle in die middel van ´N OOMBLIK! ´n Vlugtige wimperslag. Die spasie tussen gebeurtenisse wat plek maak vir meer as net tyd.

 

Dag 2 tot Dag 912,5

 

Dit is die oomblikke in ons lewens wat die loop van ons weg bepaal.

 

Stephan het sy kans gesien en die bul by die horings aangepak (ons kan nie nie sê koei by die spene nie, dit sal snaaks klink). Hy het alles gedoen wat hy kon om Dezi syne te maak: hy het haar geterg, haar speels “gewurg”, met peashooters geskiet... En Dezi het ordentlik geval, van haar stoel af! Sy kon nie verstaan hoekom hierdie outjie wat haar in sy ban getrek het en klaarblyklik so gewild was so min van haar hou nie. By die huis het sy gekla en raad gesoek om die situasie te kan verander. Op 20 Julie 2007 was die marteling uiteindelik verby: hulle was amptelik “saam“!

 

Niemand kon glo dat Dezi en “daai Stephan“ nou ´n paartjie was nie… en niemand kon verstaan dat hy die dinge van gekoekte hare, nat spoegballetjies en, wel, die vloer in liefde kon verander nie. Dit sal seker Stephan se geheim bly.

 

Feit is, hulle was soos “peas and carrots”: sonder die ander een was hulle net half. Hulle was altyd bymekaar, hulle was in dieseldfe klas, het saam geleer, sport gedoen, take gedoen, rondgerits:  1 + 1 = 1

 

En dit was só tot hulle met matriek klaar was.

 

Dag 912,5 – Dag 2372

 

Dit is van selfsprekend dat hulle saam by die PUK gaan swot het… natuurlik albei B.Comm, hulle was natuurlik in dieselfde klasse, het saam geleer, sport gedoen, werkstukke gedoen en het oral saam rondgerits. 1 + 1 is immers 1!

 

Dag 2373 – Dag 4611

 

Hoe kon dit anders gebeur? Saam-saam trek hulle toe na Pretoria. Ongelukkig kon hulle nie meer in dieselfde klas sit nie, maar hulle het plan gemaak. Ook die terugtrek Parys was het hulle net nog enger aan mekaar geheg.

 

Dag 3612

 

14de Februarie 2020: Valentynsdag, dag van die krokodil of eerder GROOT-VET-VERLOWINGSRING-dag! Ons kan nie wag om te sien wat Stephan volgende jaar vir Valentynsdag doen nie! Wat ´n fees kan ons vir Januarie 2022 verwag?!

 

Dag 3613 - Dag 3941

 

Ons trek nou hier êrens en kan nie meer wag vir die groot dag nie!

 

Dag 3942 …

 

Van die eerste dag af het ons geweet dis waar, ons gaan mekaar veraltyd liefhê, al is dit al wat ons doen. Sommige dae was eenvoudige, gewone dae, ander was groot dae. Hulle almal ryg saam om ons liefdestorie te vorm en ons kan nie wag om die res van ons storie saam te leef nie.“ D &S 

 

“Some people wait a lifetime for a moment like this”